شوربة التربية

[ندعوك للتسجيل في المنتدى أو التعريف بنفسك لمعاينة هذه الصورة]

شوربة التربية

المكونات:

2 صدور فراخ مسلوقة ومقطّعة مكعبات
2 ملعقة أرز أبيض مسلوق
2 ملعقة كبيرة دقيق
معلقة كبيرة زبدة
كوب كريمة لباني
4 كوب شوربة
2 عود كرفس
كوب زبادي
ورقة لاورا
ملح وفلفل
بصل

الطريقة:

1- حطّي الدقيق مع الزبدة في حلة على النار، وقلّبيهم مع بعض لغاية ما الدقيق يتحمرّ، وبعد كده ضيفي عليه البصل والكرفس وورق اللاورا.

2- بعد كده حطّي الشوربة، وسيبيها على النار مع التقليب، لغاية ما توصل للسُمك اللي إنتي عايزاه، ولو حسّيتي إن الشوربة خفيفة معاكي، ممكن تدوبي شوية دقيق في ميه وتضيفيها بالتدريج مع التقليب.

3- بعد كده اضربي كل المكونات دي في الخلاط، وصفّيها كويس، وبعد كده رجّعيها على نار هادية، وتبّلي الشوربة بالملح والفلفل، وفي الآخر ضيفي قطع الفراخ والأرز والزبادي والكريمة.. وبالهنا والشفا.

» شوربة القرع
» شوربة السمك بالجزر
» شوربة ميلي جاتوني الهندية
» شوربة لسان العصفور بالبصل والكرات