سبانخ باللحمة والحمص

[ندعوك للتسجيل في المنتدى أو التعريف بنفسك لمعاينة هذه الصورة]

سبانخ باللحمة والحمص

المقادير:

كيس سبانخ مجمّدةكيلو لحمة بتلو مكعبات
1/ 2 كيلو طماطم معصورة
2 ملعقة كبيرة زبدة
كوب حمص مسلوق
2 فص ثوم مفروم
بصلة مفرومة
ملح وفلفل

الطريقة:

1- شوّحي البصلة في الزبدة لغاية ما تتحمر، وبعد كده ضيفي الثوم المفروم وقلّبي قطع اللحمة وشوّحيها مع البصلة والزبدة لغاية ما لونها يتغيّر وتنزّل لونها.

2- بعد كده ضيفي عصير الطماطم، وسيبيها تتسبّك شوية على النار، وبعدين تبّليها بالملح والفلفل.

3- بعد كده ضيفي السبانخ المفرومة، وقلّبي المكوّنات مع بعض على النار، وبعدين ضيفي الحمص لما تحسّي إن السبانخ استوت.

4- وفي الآخر ممكن تحمّري الثوم في ملعقة زبدة، وحطّيها على السبانخ، ولو عندك صنوبر ممكن تحمصيه وتحطّيه على الوش عند التقديم، والطبق ده ممكن تعملي معاه أرز بالشعيرية.. وبالهنا والشفا.

» سبانخ Spinach