كنافة بالموز

موضوع: كنافة بالموز الإثنين سبتمبر 26, 2011 6:52 pm

[ندعوك للتسجيل في المنتدى أو التعريف بنفسك لمعاينة هذه الصورة]

كنافة بالموز

المقادير:

1/ 2 كيلو كنافة
سمنة أو زبدة
كيلو موز مقطّع شرائح
مكسرات مفرومة للتزيين

لتحضير الشربات:

اغلي كوب السكر في كوب الميه، وبعد كده ضيفي عليه عصير نصف ليمونة وفانيليا، وسيبيه يغلي على النار لغاية ما يبقى قوامه تقيل شوية، وبعد كده اطفي عليه وسيبيه يبرد.

الطريقة:

1- ادهني الصينية اللي هتعملي فيها الكنافة بشوية سمنة سايحة، وبعد كده حطّي فيها نصف مقدار الكنافة، وساويها كويس بإيدك، وحطّي من فوق مقدار صغير من السمنة.

2- بعد كده وزّعي شرائح الموز، وفي الآخر حطّي باقي الكنافة، ورشّي عليها من فوق السمنة أو الزبدة.

3- دخّلي الصينية في الفرن على درجة حرارة متوسطة، وسيبيها لغاية ما وشها يحمرّ، وبعد كده طلّعيها واسقيها بالشربات، وممكن تزيّنيها بالمكسرات المفرومة من على الوش.. وبالهنا والشفا.

» كنافة اسطنبولي بالآيس كريم