ماسكات طبيعية للعناية بالإيدين

النهارده هنعمل مجموعة من الماسكات الطبيعية للعناية بالإيدين ؛ لأنها من أهم الحاجات اللي بتظهِر نظافتك وأنوثتك..

ماسكات طبيعية للعناية بالإيدين 3088461111

ماسكات طبيعية للعناية بالإيدين 3088461111

شمع عسل النحل.. لترطيب وتفتيح الإيدين

الماسك ده مفيد جداً لترطيب الإيدين المرهقة اللي بتتعرض لعوامل خارجية كتير بتأثر عليها وعلى نضارتها، من غسيل الأطباق وتحضير الأكل وكمان الجفاف اللي بيسببه فصل الشتاء للبشرة..

ودلوقتي هنعمل مع بعض ماسك هايل جداً للعناية بالإيدين..

ومكوناته عبارة عن:

قطعة متوسطة من شمع العسل
ملعقة زيت لوز حلو
ملعقة زيت ورد

الطريقة:

حطّي شمع العسل في حلة سخنة على النار، وسيبيه على النار لمدة كام ثانية مع التقليب، وبعد كده ارفعي الحلة من على النار، واستمرّي في التقليب لغاية ما تحسي إن شمع العسل ذاب تماماً وبقى غليظ شوية، وبعد كده ضيفي زيت اللوز الحلو وزيت الورد، واستمري في التقليب علشان تتأكدي إن كل المكونات تجانست تماماً مع بعضها، وبعدين صبّي الخليط في برطمان زجاجي، واحتفظي به في الثلاجة.

والماسك ده أساساً للإيدين؛ لكن ممكن تستخدميه كمان لبشرة الجسم كله، بس تستخدميه بعد الحمام على طول؛ بحيث إن البشرة تكون مبلولة، وممكن تستخدميه كمان على الكوع والركَب وكعب القدمين، وبتسيبيه على بشرتك لمدة ساعة أو اثنين، وبعد كده تغسلي بشرتك بميه عادية، وبجد هتلاقي نتيجة حلوة جداً، وهتحسي إن بشرتك لونها بقى أفتح وكمان فيها نضارة.

لجلسرين وماء الورد.. لإيدين ناعمة

دلوقتي هنعمل ماسك تاني للإيدين، ومكوناته بسيطة ومتوفرة عند أي عطار..

المكونات:

8 ملاعق ماء ورد
3 ملاعق جلسرين
3 ملاعق كحول "من أي صيدلية"
ملعقة كبيرة عصير برتقال
عصير نصف ليمونة
ملعقة كبيرة خل تفاح

الطريقة:

اخلطي كل المكونات دي مع بعضها، وصبّيها في برطمان زجاجي أو أي زجاجة برفان قديمة عندك، وسيبيه على إيدك لمدة ساعة أو لغاية ما ينشف، وبعد كده اشطفيها بالميه العادية.

» ماسكات بزيت البندق للبشرة الجافة
» وصفات طبيعية
» نصائح .. للعناية بالبشرة الجافة
» وصفات طبيعية.. لو بشرتك دهنية!
» نصائح للعناية بالبشرة العادية