ماسكات بزيت البندق للبشرة الجافة

من أهم الزيوت العطرية والمفيدة؛ زيت البندق، وده بتكون ريحته قوية جدا، وبيدخل في الحلويات وماسكات لبشرة الوش والجسم، وفي حلقتنا النهارده، هنعمل ماسكات بزيت البندق لترطيب ونضارة البشرة الجافة.

ماسك البندق لنضارة البشرة
المقادير:

1/ 4 ملعقة صغيرة زيت بندق
ملعقة كبيرة عسل

الطريقة:
- أوّل حاجة لازم نرج زيت البندق كويس قبل الاستخدام؛ لأنه من الزيوت التقيلة.

- بعد كده هنخلط العسل مع زيت البندق، ونقلّبهم مع بعض كويس.

- الماسك ده بنفرده على بشرة الوش، ونسيبه من 20 : 30 دقيقة، وطبعا مش هننسى منطقة الرقبة، ومع الاستخدام هتلاقي إن بشرتك بقت نضرة جدا، ومترطبة كويس ومش جافة.

الماسك ده بيغذّي البشرة، وبيخلّيها نضرة، وممكن نستخدمه على أي منطقة من الجسم.

لوشن البندق للبشرة الجافة
المقادير:

3 نقط زيت بندق
ملعقة زيت لوز حلو

الطريقة:
- اخلطي المكونات دي مع بعضها، وادهني منه على جسمك بالكامل.

- اللوشن ده بينعّم وبيغذّي البشرة، وكمان بيشد الجلد، وممكن نحطّه على بشرة الوش لو كانت البشرة جافة أو شديدة الجفاف، أما لو بشرة الوش دهنية ماينفعش نستخدم معاها الماسك ده.

» ماسكات طبيعية للعناية بالإيدين
» نصائح .. للعناية بالبشرة الجافة