كفتة الفراخ

موضوع: كفتة الفراخ السبت سبتمبر 24, 2011 1:40 am

تقدروا تبعتوا لنا كل الوصفات اللي عايزين تعرفوها وإحنا هنقدمها لكم على طوووول..

مش بس كده ده إنتم كمان تقدروا تبعتوا لنا لو عندكم وصفة أكل جامدة.. علشان نقدمها في منتدى مبينة فى قسم المأكولات العربية و الغربية ونعرف كل القراء بها...

كفتة الفراخ

المقادير:

1/ 2 كيلو صدور فراخ مفرومة.
بقدونس أو كسبرة خضراء مفرومة.
نصف معلقة نعناع.
بيضة.
ملح + فلفل أسود + بهارات مشكّلة.
بصلة مفرومة.
2 فلفل أخضر حار.
3 فصوص ثوم مفرومين.
بقسماط.
زيت للقلي.

الطريقة:

1- هاتي صدور الفراخ المفرومة واخلطيها مع البقدونس والنعناع والفلفل الأخضر والثوم والبهارات والبيضة والبقسماط والملح وشوية زيت ذرة.

2- ابدئي صبّعي الفراخ، ورصيها في صينية، ودخليها في الثلاجة لمدة نصف ساعة.

3- بعد ما تخرجيها من التلاجة ابدئي اقليها في الزيت، وخدي بالك إنك تهدّي النار عليها علشان تتحمر كويس.

4- بعد ما تتحمر طلعيها وحطيها على مناديل أو ورق علشان تتشرب الزيت.

5- بعد كده رصيها في طبق التقديم، وقدميها مع بطاطس وكاتشاب... وبالهنا والشفا

ويا ريت تجربوا الوصفة وتبعتوا تقولوا لنا رأيكم إيه..
ومستنين تعليقاتكم وكمان وصفات الأكل اللي عايزين تعرفوها..
وكمان وصفاتكم الجامدة جداً..
ســــــــــــــــــــــــــــــــــــــــــــــــــــــــلام ،،،

» أبلما الفراخ (طبق لبناني)
» فتة الفراخ بصلصة اللبن والثوم
» أطباق الفراخ من المطبخ التايلاندي والمكسيكي
» فيليه الفراخ بحشو السبانخ والمشروم
» فطيرة الفراخ بطريقة سهلة وسريعة