فيليه الفراخ بحشو السبانخ والمشروم

[ندعوك للتسجيل في المنتدى أو التعريف بنفسك لمعاينة هذه الصورة]

وصفتنا النهارده سهلة وسريعة، تقدري تقدّميها لطفلك هتكون مغذية ولذيذة ومتكاملة العناصر الغذائية، وكمان شكلها وألوانها هيعجبوه؛ جرّبيها وقولي لنا رأيك فيها..

فيليه الفراخ بحشو السبانخ والمشروم

المقادير:

4 قطع صدور فراخ
6 قطع مشروم يقطع شرايح
1/ 2 كوب بقدونس مفروم
2 ملعقة كبيرة زيت زيتون
بصلة متوسطة مفرومة
2 ملعقة كبيرة زبدة
2 فص ثوم مفروم
1/ 4 كوب دقيق
حزمة سبانخ
ملح وفلفل
ملعقة صغيرة (بهارات - كزبرة - ريحان - زعتر)
بيضة

الطريقة:

1- دقّي صدور الفراخ علشان يبقى سُمكها رقيق، وبعدين اخلطي كل التوابل وتبّلي الفراخ بها من الناحيتين.

2- شوّحي البصل والثوم في الزيت لحد ما البصل يصفر، وبعدين حطي المشروم وقلبيه لحد ما يبدأ يدخل في السوى.

3- افرمي السبانخ وضيفيها على المشروم، وقلبيها معاه لغاية ما السبانخ تنزّل المية اللي فيها، وبعدين حطّي البقدونس وعصير الليمون، وتبّلي الخليط بالتوابل اللي عندك، وقلّبيهم مع بعض لحد ما تحسّي إن الخليط اتشرّب كل المية اللي فيه.

4- بعد كده احشي صدور الفراخ بكمية مناسبة من الخليط ده، ولفّيها كويس وممكن تقفليها بخِلة.

5- اخفقي البيضة مع شوية ملح وفلفل صغيرين، وبعد كده حطّي فيها صدور الفراخ، وغطّيهم بالدقيق.

6- شوّحي صدور الفراخ في الزبدة من كل الجوانب لحد ما تحمرّ، وبعدين رصّيهم في صينية، وحطّي عليهم الصوص اللي هينزل من الفراخ وأنتِ بتشوّحيها في الزبدة، وبعد كده دخّليها الفرن لمدة 20 دقيقة لغاية ما الفراخ تستوي، وقدّميها.. وبالهنا والشفا.

» كفتة الفراخ
» أبلما الفراخ (طبق لبناني)
» فتة الفراخ بصلصة اللبن والثوم
» أطباق الفراخ من المطبخ التايلاندي والمكسيكي
» فطيرة الفراخ بطريقة سهلة وسريعة